எஸ்.எஸ்.எல்.ஸி., தனித்தேர்வர்கள் ஜூலை 12 வரை சான்று பெறலாம்

எஸ்.எஸ்.எல்.ஸி.,தனித்தேர்வர்கள், மதிப்பெண் சான்றிதழ்கள் பெற, ஜூலை, 12ம் வரை அவகாசம் வழங்கப்பட்டுள்ளது.

 திருச்சி அரசு தேர்வுகள்
மண்டலத்துணை இயக்குநர்
சுபத்ரா வெளியிட்ட அறிக்கை: கடந்த, 2012ம்
ஆண்டு எஸ்.எஸ்.எல்.ஸி., பொதுத்தேர்வில்
கலந்து கொண்ட தனித்தேர்வர்களின்
மதிப்பெண் சான்றிதழ்கள், வினியோக
மையத்தில் தேர்வர்களால் நேரில்
பெறப்படாமலும், அஞ்சல் மூலம் உரிய
தேர்வர்களுக்கு அனுப்பி பட்டுவாடா ஆகாமலும்,
அசல் மதிப்பெண் சான்றிதழ்கள், திருச்சி,
அரசு தேர்வுகள் மண்டல துணை இயக்குநர்
அலுவலகத்தில் திருப்பப்பெறப்பட்டுள்ளது.
தேர்வு திட்ட விதிமுறைகளின் படி,
மதிப்பெண் சான்றிதழ்கள் விநியோகிக்கப்பட்ட
நாளிழிலிருந்து, இரண்டாண்டுக்குப் பின்,
அழிக்கப்படலாம். எனவே, 2012ம் ஆண்டு, மார்ச்
மாதம், எஸ்.எஸ்.எல்.ஸி., தேர்வு எழுதி,
மதிப்பெண் சான்றிதழ் பெறாத
தனித்தேர்வர்கள், வெள்ளைத்தாளில்,
தேர்வு எழுதிய பருவம், பிறந்த தேதி,
தேர்வெழுதிய பாடம் மற்றும்
தேர்வு மையத்தின் பெயர் ஆகிய
விபரங்களை குறிப்பிட்டு, 40 ரூபாய்க்கான
தபால் தலை ஒடப்பட்ட சுயமுகவரி எழுதிய
உறையையும் இணைத்து, மண்டல இயக்குநர்,
அரசு தேர்வுகள் மண்டல இயக்குநர்
அலுவலகம், பழைய கலெக்டர் அலுவலக
வளாகம், திருச்சி என்ற முகவரிக்கு, ஜூலை,
12ம் தேதிக்குள் அனுப்பலாம், என அதில்
தெரிவித்துள்ளார்.