கோரிக்கைகளை நிறைவேற்றுவதாக உறுதியளிப்போருக்கே வாக்களிப்போம் ஆசிரியர் கூட்டணி அறிவிப்பு

மத்திய அரசுக்கு இணையான ஊதியம்
உள்ளிட்ட கோரிக்கைகளை நிறைவேற்றுவதாக உறுதியளிக்கும்
வேட்பாளருக்கே வாக்களிப்போம் என
தமிழ்நாடு ஆசிரியர் கூட்டணி அறிவித்துள்ளது.

இதுகுறித்து ஆசிரியர் கூட்டணியின்
பொதுச்செயலாலர்
செ.முத்துசாமி வெளியிட்டுள்ள
அறிக்கை: கடந்த 1988- முதல் மத்திய
அரசுக்கு இணையான
ஊதியத்தை ஆசிரியர்கள்
பெற்றுவந்தோம். ஆனால் கடந்த ஆட்சியில்
தமிழகத்தில்
இடைநிலை ஆசிரியர்களின் ஊதியம்
மட்டும் குறைக்கப்பட்டது. அதுமுதல்
இதுவரையில் (தற்போதைய
ஆட்சியிலும் ) மத்திய
அரசுக்கு இணையான
ஊதியத்தை இடைநிலை ஆசிரியர்கள்
பெறமுடியவில்லை.
இந்நிலையில் 16-வது மக்களவைத்
தேர்தல் வரவுள்ளது. இந்த தேர்தலில்
ஆளுங்கட்சியோ அல்லது எந்த
கட்சியானாலும்,
இடைநிலை ஆசிரியர்களுக்கு மத்திய
அரசுக்கு இணையான
ஊதியத்தை பெற்றுத்தருவதாகவும்,
பழைய ஓய்வூதிய
திட்டத்தை அமல்படுத்துவதாகவும்
உறுதியளிக்கும்
வேட்பாளருக்கே வாக்களிப்பதாக
ஆசிரியர்
கூட்டணி முடிவெடுத்துள்ளது என
அவர் தெரிவித்துள்ளார்.